ශීත සෘතුවට පාසල ආරම්භ වෙලා ගිම්හාන නිවාඩුවට සති අටක්ම ගතවුනා මේ දිගු කාලය පුරාවටම සෙන්ට් ක්ලෙයාර් පාසල හිස් බවෙන් සහ නිහඬතාවයේ ගිලී තිබුනා. නිවාඩු කාලය තුළදී පාසලේ ගොඩනැගිලි අළුත් වැඩියා කිරීමේ කටයුතු සදහා මිනිසුන් පිරිසක් පැමිණ සිටිහය. පාසලේ නිහඬතාවය යන්තමෙන් හෝ නැති වූනේ ඔවුන්ගේ විවිධාකාර හඬවල් වලිනි. බුරුසු එමෙන්ම කොසුවලින් පාසලේ ගොඩනැගිලි සහ පොළව පිරිසිදු වෙද්දි ඇසෙන හඬවල් හැ- රෙන්නට වෙනත් කිසිම හඬක් කොහෙන්වත් ඇසුනේ නැත. පාසලේ සුරතල් පූසන්ට ද සිදු වූ මේ වෙනස අදහා ගැනීමට බැරි වූවා සේය. ඔවුන් ගැහැණු ළමයින් සොයා සෑම තැනම ඇවිද ගියේ ඒ නිසාය. එහෙත් දැන් පාසල නැවතත් ආරම්භ වෙන දවස පැමිණ තිබේ. ඒ නිසා සියල්ලම වෙනස් වෙලාය. ගැහැණු ළමුන් පුරවා ගත් බස් රථ නැවතත් සුපුරුදු පරිදි පාසලට එන කන්ද නගින්නට පටන්ගත්තේය. ඒ සෑම බස් රථයකම සිනාවෙන් මුව පුරවා ගත් ගැහැණු ළමුන් පිරි සිටිති. ශීත සෘතුව වෙනුවෙන් සෙන්ට් ක්ලෙයාර් පාසල නැවතත් ආරම්භ වන දිනය පැමිණ ඇත. මේක ශීත සෘතුව කියලා කවුද හිතන්නේ ?? පැට් තම නිවුන් සොයුරිය වන ඉසබෙල්ට කීවාය.