ජූනි 14 වැනිදා ආර්ජන්ටිනාවේ උපත ලද 1928 අර්නස්ටෝ වේ ගුවේරා 1953 වන විට බුවනෝර්ස් අයර්ස් සරසවියේ වෛද්‍ය පීඨයෙන් වෛද්‍ය උපාධිය ලබා ගත්තේ ය. තරුණ වෛද්‍යවරයෙකු ලෙස අමෙරිකාව පුරා සංචාරයක නිරත වූ වේ ගේ විප්ලවීය දර්ශනය ඔහු තුළ ලියලා වැඩුණේ මේ අවධියේ ය. 1954 චේ ගෝතමාලාවට පැමිණියේ ය. රටෙහි ජනතාවගේ සුභසිද්ධිය සඳහා වූ ප්‍රතිසංස්කරණ රැසක් හඳුන්වා දෙමින් ප්‍රජාතන්ත්‍රවාදී පාලනයක් ගොඩනැඟීමට කටයුතු කරමින් සිටි ජනාධිපති ජැකොබේ ආබෙනෙස් ගුස්මාන් නෙරපා හැරීමට රටේ හමුදා නායකයන් සී. අයි. ඒ. සංවිධානයේ ද සහය ඇතිව ගෙන ගිය කුමන්ත්‍රණයට එරෙහිව නැගී සිටීමට වේ ආබෙනෙස්ට සහය වුව ද, හමුදාව විසින් ආබෙලෙස් බලයෙන් පහ කරන ලදි. ගෝතමාලාවෙන් පිටවී මැක්සිකෝවට පැමිණි වේ. එහිදී පිදෙල් කස්ත්‍රෝ ඇතුළු කියුබානු විප්ලවවාදීන්ට එකතු වී කියුබානු විප්ලවයට සහය දුන්නේ ය. 1956 දෙසැම්බර් මාසයේ දී කියුබානු විප්ලවය ඇරඹීම පිණිස ග්‍රැන්මා නෞකාවෙන් කියුබාවට පැමිණි පිරිස අතර ද විය. වෛද්‍යවරයකු ලෙස ගරිල්ලා හමුදාවට බැඳුණු ඔහු වැඩිකල් නොගොස් ම හමුදාවේ අණදෙන නිලධාරි තනතුරට උසස් විය.