ආපසු මැලෝරි ටවර්ස් කරා ” නිවාඩු කාලේ නියමෙට ගත කළා.” යයි සිය පියාගේ මෝටර් රථයට නගින ගමනේ ඩැරල් පැවසුවාය. වර්ෂයක් මැලෝරි ටවර්ස් බාලිකා විදුහලේ පළමු වසර (6 වැනි පන්තියේ) ඉගෙන ගෙන නිවාඩුවෙන් පසු එහි දෙවැනි වසර (7 වැනි පන්තියේ) ඉගෙන ගැන්මට එහි යාමට ඇය සැරසෙන ගමනයි මේ. “ආයෙත් ඉස්කෝලේ යන්ට ලැබෙන එක කොච්චර සන්තෝෂයක් ද ! සුමාන අටක් ම ගෙදර සිටියා නේ ! ” ” ආ – ඒක නෙවේ. අම්මා ලැස්තිද? නැත්නම්, හෝන් එක ගහන්න වෙයි ද? ” යි ඇයගේ පියා ඇසුවේය. ” හැමදාම ගමතක් යන කොට මං තමා ඉස්සරෝම ලැස්ති වෙන්නේ. ආ – කියන කොටම අම්මා මේ එන්නේ!” රිවර්ස් මහත්මිය විගවිගහට පඩි පෙළ බැස ගෙන ආවාය. ” අනේ, මං ප්‍රමාද වුණාද? අන්තිම මොහොතේ ටැලිෆෝන් එක වුණා. ඩැරල්, ඒ කතා කරේ සැලි හෝස්ගේ අම්මා අපි කීයටද එහාට එන්නෙ කියලා දැන ගන්න, සැලි දාගෙන යන්න.” සැලී හෝප් දන් ඩැරල්ගේ හොඳ ම මිතුරිය ය. කෝවෝල් හී පිහිටි මැලෝරි ටවර්ස් කරා සිය දියණිය ගෙන යන ගමන් සිය මෝටර් රථයේ සැලි ද දාගෙන යාමට රිවර්ස් මහතා එකඟ වී ඇත. රෑ වීමට පෙර පාසැලට ළඟා වීම සඳහා කල් තියා ම රිවර්ස් පවුල ගෙදරින් පිට වූහ.