මෝරෙක්  මා සිටින දෙසට වේගයෙන් පිහිණා එයි. මෝරාගේ විවර වූ මුව තුළ සිය ගණනක් වූ තියුණු දත් විලිස්සී තිබේ. උගේ දෑස මලානිකය. එහි තැවරී ඇත්තේ බිහිසුණු බවකි. කිසිදු ආකාරයක සමාවක් ඒ දැවල නැත්තා සේය. පැහැදිලිවම මෝරා මා දෙසට හඹා එන්නේ කාලෙකින් ලැබුණු නැවුම් මිනිස් ආහාර වේලක් ගිල දැමීමේ දැඩි උනන්දුවකිනි. මගේ මරණය බලාපොරොත්තුවෙන් සිටින්නේ මේ බිහිසුණු මෝරා පමණක් නොවේ. පිහිණුම් ඇඳුම් කට්ටල වලින් සැරසී ඊතළ තුවක්කුවලින් සන්නද්ධ වූ නපුරු මිනිසුන් දෙදෙනෙකුද තමන්ට පැවරුණු රාජකාරිය නිමා =කිරීමේ අරමුණෙන් මා පසුපස ලුහු බඳිමින් සිටිති. මෝරාගේ තර්ජනයෙන් මා ගැළවුණොත් මිනිසුන් මා නසා දැමීමේ රාජකාරිය අවසන් කරනු නිසැකය.