-
-20%
වාපි – Wapi
Original price was: Rs. 800.00.Rs. 640.00Current price is: Rs. 640.00.මිනින්දෝරුවා හෙවත් රිචඩ් කුඩාරමේ එල්ලා තිබෙන ලන්තැරුමෙන් එහා සිට කඩා වදින්නට දඟලන අන්ධකාරයට දැස් දල්වා සිටී. කුඩාරමට වම් පසින් අඟුරු බැස ඇති ගිනිමැලයට දර කොටත් ළං කරමින් ගිනි බෝ කරන්නට කිරාල රෑ පුරා කරන සටන ඔහුට මැනවින් හුරුය. අඟුරු ගොඩ ඉහළින් එල්ලා ඇති දුම්බැඳි කළු ගැසුණු කේතලයේ හූ හඬට කන්දීගෙන කිරාල සිටින්නේ අඳුර දෙස බලාගත් වන මය. මිනුම් සටහන් තැබීමටත්, තම අගනා වාරිමාර්ග වාර්තා ලේඛනගත කිරීමටත් පාවිච්චි කරන අකුළා තැනින් තැන ගෙන යා හැකි කුඩා මේසය මත දෙපා විහිදුවමින් අකුළන පුටුවේ හාන්සි වී පයිප්පය උරන රිචඩ්ට දහවල් දවස පුරා ලයින් කැපීමටත්, තියඩෝලයිට්ටුව ඇතුළු මිනුම් උපකරණ ඔසවා ගෙන සැතපුම් ගණනාවක් දුර පා ගාටමින් හෙම්බත් වූ කම්කරුවන් නින්දෙන් කෙඳිරිගාන හඬ ඇසෙයි. මින්නේරි වැව් හිසින් මෝදු වී එන ළා හඳ යාන්තම් ලපයක් ලෙස අහසේ වැහි බිත්තර අතරින් වරින් වර මතු වෙයි. බිම එළාගත් ගෝනි පඩංගුව මත වකුටු වී කෙඳිරිගාන මිනින්දෝරු පාටියේ කෙසඟ මිනිසුන් දකින රිචඩ්ට අවරදිගුවන් විස්ම පත් කළ මහ සයුරුවන් මහ වාපින් ඉදිකළ විස්මිත වාරි රහස් සඟවා ගෙන මේ පොළොව තුළ සැඟවුණු යෝධ මිනිස් කැලකගේ වත්මන් ජාන සම්පත මේ දැයි මහත් කුතුහලයක් ඇති වෙයි.
-
-10%
සංචරණී – Sancharanee
Original price was: Rs. 700.00.Rs. 630.00Current price is: Rs. 630.00.දන්නවද, මේ ලෝකෙ තියෙන ලස්සනම අකුරු තුන ආදරේලු….
ඒත්… ඔයා දන්නවද
ඒ අකුරු තුනට වඩා ලස්සන දේවල් තව කොච්චර ලෝකෙ තියෙනවද කියලා?
ඒවා දකින්න හැමෝටම බැහැ.
හැබැයි දන්නවද,
ඒ ලස්සන ගැවුණ ගෑවුණ හැම තැනකම ආදරෙත් මුහු වෙලා තියෙනවා.
අන්න ඒකයි ආදරේ හරි ලස්සනයි කියන්නෙ.
ලස්සන තැන්වල ආදරේ රැඳෙනවා…
ආදරේ ඇතුළෙ ලස්සන දකිනවා…
අන්න ඒකයි අකුරු තුනකට පණ දෙන රහස !
-
-10%
පෙරදිග සටන – Peradiga satana
Original price was: Rs. 700.00.Rs. 630.00Current price is: Rs. 630.00.දස දිනක නිවාඩුවක් ලැබ ප්රංශයේ සිට පෙරළා පැමිණි කපිතාන් ජේම්ස් බිගර්ඩ්ස්වර්ත් පහළ රීජන්ට් වීදිය අන්තයෙහි නතර වෙමින් ” වෙලාව එකට දහයයි ” යි තමාට ම මුමුණා ගති. ” දවල් කෑම වෙලාව කිට්ටු බව මට දැනුණා ‘ ඉක්බිති හැරී විවේකී පියවරින් කැප්රිස් ආපන ශාලාව දෙසට ගමන් කළ හෙතෙම හදිසි සිතිවිල්ලක් පහළ වූ කලෙක මෙන් මොහොතකට පසු බෑවේ ය. මේ ඔහු නිල ඇඳුමින් තොර ව සිටි දිනයකි. එහෙත් ඊට හේතු වූ කරුණු කාරණා අස්වාභාවික ද නොවේ.
-
-10%
සාරි ඇඳපු පිරිමි – Sari Andapu Pirimi
Original price was: Rs. 700.00.Rs. 630.00Current price is: Rs. 630.00.මා ගෙවන මේ විචිත්ර ජීවිතය අහසින් කඩා වැටුණු එකක් නෙවෙයි. මේ ආනන්දනීය තත්ත්වයට එසවෙන්නට මා විඳි දුක්ඛ දෝමනස්සයන් ලියන්නට මාගලක් තිබුණත් මදි. පුංචි කාලේ අපෝ දුක් විඳලා තියෙනවා. මැතිණිගේ ආණ්ඩුව කාලේ පාන් පෝලිම්වල ලගින කොට මට එකොළහයි. ගමේ පංසලට ගියේ නම්පොත, සකස්කඩ, බුද්ධගජ්ජේ වනපොත් කරන්ඩ. ඒ වුණාට ටික කලක් ගත වෙන කොටයි තේරුණේ, මම මෛථුන්ය විනය කර්මයක පැටලී ඇති වග. එතකොට මට දහතුනයි. ඒ චීවරධාරියාට හැට හතරයි.
ඔය කියන හැත්තෑ ගණන්වල ඒක අකරතැබ්බයක්, අපචාරයක්, ළමා අයිතිවාසිකම් උල්ලංඝණයක් කියලා මං දැනං හිටියේ නැහැ. එහෙම දැනුම් තේරුම් තියෙන අය අපේ ගමේ හිටියෙත් නැහැ. අහල ගං හතක හිටියද කියලත් සැකයි. මං දැනං හිටිය එකම සත්ය ඒක රහසක් කියලා විතරයි. කෙළ හොල්ලලා තිබ්බොත් නහයෙන් කටිං ලේ දාලා, පපුව හත් කඩකට පැලිලා, එවේලේම පොළොව පලාගෙන නිරයට යන දිට්ඨ ධම්මවේදනීය පාපකර්මයක් කියලා විතරයි.
අවුරුදු දහතුනක පොඩි කොල්ලෙක් කොහෙද එහෙම තීරණාත්මක රහසක් රකින්නේ. පවුලේ කවුරු හරි දැනගත්තා නං සහසුද්දෙන්ම වැරදිකාරයා වෙන්නේ මම. ඒ කාලේ එහෙම තමයි. දැන් කියලා වැඩි වෙනසක් ඇත්තෙත් නැහැනේ. ඉතිං මං අපේ වත්ත පහළින් ගලාගිය මහවැලි ගඟේ ගල්පර අතරේ. ගේ ඉස්සරහ ශාන්ත ජෝන් පල්ලියේ අල්තාරය පිටිපස්සේ, රේල් පාරට එපිටින් වහලවෙල කැරකෝප්පුවේ රූස්ස ගස් අතරේ තනිවී මගේ කථාව මට ම කියාගත්තා.
-
-10%
බැද්දේගම
Original price was: Rs. 675.00.Rs. 607.50Current price is: Rs. 607.50.මහා මුහුදටත් කඳු වැටි වලටත් අතර පහත රට තැනිතලා ප්රදේශයක පිහිටි ගමකි බැද්දේගම. ඒ අවටින් වුයේ ඝන කැලෑවකි. මෙසේ, කැලෑවට- බැද්දට – මැදිවී සිටි හෙයින් ඒ ගමට බැද්දේගම යන නම ඉබේ ම ඇති වුවකි. මහ මුහුදක් සේ පෙනුණු ගම වටා පිහිටි වන රොද නිසා ඈත උතුරෙන් වූ කඳු වැටි උස් වූ පවුරු බිතක සිරිය ඉඳුරා පළ කෙළේ ය. උණුසුම් වාතය ද උතුරු, නැගෙනහිර, දූවිලි ද වියළී පොඩි වී ගිය දඬු පත් ද පිසගෙන ආ වන හඳ ගම පුරා පැතිර සිටියේ ය. හැම දෙසින් ම දකුණු, බස්නාහිර යන සිව් දෙසින්ම – ඈත නිල්වන් කඳු වැටිය දක්වා ද මෑත මහ මුහුද දක්වා ද පැතිර ගිය මහ වනයෙහි ම ය ගමෙහි මුල හා අග ද වූයේ. ගම වනයෙන්ම පටන් ගැනී වනයෙන් ම කෙළවර වූයේ ය. වනය, ගම වට කරගෙන. ගමට ඉහළින් ද වැඩෙමින් ගම තද බද කරගෙන සිටියේය. ගෙ මිදුල් හා එළි මහන් තැන් අකුල් කර ගෙන මැටි ගෙවල් මිරිකා ගෙන මං පෙත් අවුරා ගෙන වනය හාත්පසින් ම වැඩුණේ ය. ගම සම්පුර්ණයෙන් වනබත් වීම වළක්වා ගත හැකි වුයේ අවුරුදු පතා කැති පොරෝ වලින් පහර දී පහත් කර දැමීමෙනි. එය ගම වටා පිහිටි ජිවමාන ප්රාකාරයකි .
-
-10%
මසායි දූතිකාව – Masai Duthikawa
Original price was: Rs. 675.00.Rs. 607.50Current price is: Rs. 607.50.අප්රිකාවේ මහා වනාන්තරයක වෙසෙන, ශිෂ්ට සම්පන්න යයි සම්මත ලෝකයට ප්රවිෂ්ට නොවූ ගෝත්රික මිනිස් සමූහයක් වෙනුවෙන් වෙහෙසෙන තරුණියක ප්රධාන කොට ගනිමින් ලියැවෙන මේ සිදුවීම් දාමය පෙළගැසෙන්නේ, අපේ ඇසට නො පුරුදු පරිසරය පිළිබඳව කතුවරිය අපට දායාද කරන චමත්කාරය ඔස්සේ කියවන්නා විස්මයට පත් කරමිනි. අප්රිකානු වනගත පරිසරය, ආගන්තුක චරිත, ස්ථාන හා චරිත හඳුන්වා ඇති නාම, පුදුම සහගත හැසිරීම්, සිරිත් විරිත් පිළිබඳව නිරන්තරයෙන් ස්පර්ශ කරමින් එහිම වෙසෙන අප්රිකානු වැසියෙකුට ම මිස, බැහැර කෙනෙකුට නොහැක. නවකතාවක් යනු කතන්දරයක් කියාගෙන යාම වෙනුවට, ඒ කථාන්තරයේ එන චරිත තුළින් මනුෂ්යත්වයේ සැගවුණු පෙදෙස්වලට තියුණු ආලෝක ධාරාවක් යොමු කර, ඒ මෙසේ මෙසේ යයි දකින්නට සැලැස්වීමය යන අදහස කතුවරිය සිය නිර්මාණය තුළින් සනාථ කර තිබේ.
-
-20%
ඔකිගහරා – Okigahara
Original price was: Rs. 750.00.Rs. 600.00Current price is: Rs. 600.00..” මම සෙලීනා. සෙලීනා ගෝමස්. එතකොට මිස්ටර්?”
” හෙලෝ.. මිස්ටර්..”
ඔහු සිටියේ වෙනත් කල්පනාවක ය. ඒ නිසා ඇය විමසූ දේ හරි හැටි ඇසුණේ නැත.
” අහ් සොරි.. සෙලී, සෙලීනා කිව්වා නේද? සෙලීනා මගෙන් මොකක් හරි ඇහුවද?”
“මිස්ටර්ගේ නම මොකද්ද ? ” ඇය මුවග රැඳි අඩ සිනහවෙන්ම ප්රශ්නය ඇසුවා ය.
“මම තිසල් හේවගේ. ඉතින් සෙලීනා ඔබව හමු වීම සතුටක්.
————————————-
“මම ඔබට අනතුරු අඟවනවා. එහි ඇතුළු වෙන්න එපා!.” එම අනතුරු ඇඟවීම කුමක් ද? -
-10%
අප්පච්චි ඇවිත් – Appachchi awith
Original price was: Rs. 650.00.Rs. 585.00Current price is: Rs. 585.00.මගේ සම්පූර්ණ නම මේස්ත්රීගේ හිල්වා ගුණවර්ධන. වයස අවුරුදු 48 යි. මම විවාහකයි. විවාහ වෙලා ඉන්නෙ කිත්සිරි ගුණවර්ධන සමඟ. එයා හෙලීස් එකේ වැඩ පරික්ෂකවරයෙක්. ඔව්. අපට දරුවො දෙන්නෙක් ඉන්නවා. ඒ අය දැන් ලොකුයි. මිය ගොස් සිටින සුමාලි මගේ මිතුරියක්. නැහැ. එහෙම කුඩා කාලෙ ඉඳලා තියෙන මිතුරුකමක් නොවෙයි. ඒ අය අපේ අසල්වැසියෝ. ඒ අය ඔය ගෙදරට ඇවිත් දැන් අවුරුදු 12ක් විතර ඇති. ඒ කාලෙ ඉඳලාම අපි මිතුරුයි. සුමාලි වැඩ කළේ බැංකුවෙ. නිස්සංක සේනාධිර කියන්නෙ එයාගෙ ස්වාමි පුරුෂයා තමයි. ඔහු පරිපාලන සේවයේ විධායක නිලධාරියෙක් කියලා දන්නවා. සුමුදු තමයි ඔවුන්ගේ එකම දුව. ඇයට මම හිතන්නේ අවුරුදු 10ක් විතර ඇති. ඇය ඉගෙන ගන්නේ විශාකාවේ. නැහැ. එහෙම ඒ දෙන්න අතර ආරවුල් තිබුණේ නැහැ. සුමාලි කියන්නේ හරි අහිංසක ළමයෙක්. මම හිතන්නෙ නැහැ
-
-10%
මෞන – Mauna
Original price was: Rs. 650.00.Rs. 585.00Current price is: Rs. 585.00.කිසි දිනෙක අසා නොතිබූ අමුතු වචන පෙළක් කාව්යා එකදිගට මිමිනුවාය. තිමිරද ඉතා කුතුහලයකින් යුතුව ඒ දෙස බලා සිටියේය. තමා මායාකරුවකු නොවේ නම් මේ කරන්නා වූ වංචාවට දඬුවම මරණය බවත් හොඳින් දැනගත් තිමිර, කාව්යා කියන්නා වූ සෑම දෙයම අකුරක් නෑරම සිදුකරන්නට වූයේය. එසේ කිරීමට හේතුව වූයේ මේ ප්රශ්නය තමන් ඇති කළ දෙයක් නිසාත් ඇය අද මෙතැන සිටින්නේද තමන් නිසාත් වීම යන හේතු මතය. තමන්ට මියැදෙන්නට සිදු වුවත් අවසන් හුස්ම තෙක් තමන්ගේ කාර්යයට කැපවෙන්නා වූ කාව්යාට ආරක්ෂාව සැලසීම ඔහුගේ යුතුකමක් බව ඔහු සිතීය. උරුමයක් පරම්පරාවෙන් ලැබුණද පරම්පරාවේ සියල්ලන්ම මායා කරුවන් වන්නේද නැත. එසේම වර්තමාන පිෆෙක්ස් නායක ක්රෙම්ස්ටන්ද මායාකරුවෙකු නොවේ. මරණය වෙත ඇති සම්භාවිතාවය වැඩිය. මේ සියල්ලම තිමිරගේ සිතෙහි රැව් පිලිරැව් දුන්නේය. නමුත් කාව්යා කියූ කාරණය එවිට තිමිරට සිහි විය. තමන්ගේ සිත පාලනයට ඉතා වෙහෙසක් දැරූ තිමිර මෞනය බේරාගැනීම යන කාරණය පිළිබඳම සිතමින් බලපාෂාණය මත තම සුරත තබා ගෙනම සිටියේය.
-
-10%
දෙහි – Dehi
Original price was: Rs. 645.00.Rs. 580.00Current price is: Rs. 580.00.වැව් ඉහත්තෑවෙන් එන වැහි කුණාටුව දුටු සමන්මලී පය ඉක්මන් කළාය. හෝ හඬ නඟමින් ගසාගෙන පැමිණි මුරු ගසන් වරුසාව වැව් කණ්ඩිය පසු කළේ සමන්මලීට වඩා ඉස්සර වෙමිනි. බොරළු කැට වැනි වැහි බිඳු වැටීමෙන් ඉහළ නගින දූවිලි පුසුඹ ඉව කළ සමන්මලී හැල්මේ දුවන්නට වූවා ය. තෙමුණත් කමක් නැත. ඒත් තමන් අතේ වු කරදහි මල්ල නොතෙමි රැක ගන්න තිබුණොත් ඇතැයි සමන්මලී සිතුවාය. මොරසූරන වැසි දියෙන් තෙත බත් වූ සමන්මලී තුළ වැස්ස ගැන අබමල් රේණුවක තරම් වත් කෝපයක් ඇති නොවුණි. සමන් මලීට පමණක් නොව. ඒ මේ පළාතේ කවරෙකුට වුවද පොදු වූ හැඟුමෙකි. වැහි කාලය එළැඹෙන තෙක් අහසට නෙත් යොමා ගෙන සිටින, අඩියට දිය සිදී ගත් වැව් පතුළ, කරවී කේඩෑරි වී දුඹුරු පැහැය තවරා ගත් ගහකොළ තරමටම මේ ගම්වල මිනිස්සු වැස්ස අපේක්ෂා කළෝය. පැලට ගොඩ වෙන විට සමන්මලීගේ ඉහින් කනින් දිය බේරෙයි. අක්කේ මොනවයි මට කන්න ගෙනාවේ….?” බාලයා සමන්මලී අසල දැවටුණාය. සව් බොරෝ වගයක් ඇති…….නංගිටත් දීලා කන්න….” දිය බේරෙන ඇඳුම් උනා දැමු සමන්මලී සායම් දිය වී පැල්ලම් මතු වුණු පරණ චිත්ත ගවොම ඇඳ ගත්තාය.
-
-10%
නාදුනන ඇමතුම – Nadunana amathuma
Original price was: Rs. 625.00.Rs. 562.50Current price is: Rs. 562.50.ඇය උදුරා ගත්තාය. ඇමැන්ඩා මෙන්ම නෙළි ද එය විසන්සි කිරීමට උත්සාහ කළද ඇයට ද එය කල නොහැකි විය. ඇමැන්ඩා පැවසූයේ සත්යයකි. එය විසන්ධි කිරීම කළ නොහැක.
“අන්න සර් එනවා…”
ඔවුන්ට ඉදිරි පේළියේ සිටි ඔවුන්ගේ තවත් එක් මිතුරියක් වූ රුබී කෑගැසුවේ අනතුරු ඇඟවීමටයි. දුරකථන භාවිතා කිරීම සපුරා තහනම් කර තිබෙනා පන්තියක් තුළ, තම නීතිගරුක මිතුරිය; ඇමැන්ඩා, ඇගේ දුරකථනය විසන්ධි නොකර තබාගෙන සිටීම රුබිට ද ගෙන ආවේ පුදුමයකි. නීරස ගණිත ගැටලුව පසෙකලා ඇය තම පූර්ණ අවධානය වේගයෙන් ඔවුන් දෙසට පැමිණෙන ගුරුවරයාටත්, දුරකථනය විසන්ධි කර ගැනීම සඳහා තවමත් ඔට්ටු වන තම යෙහෙළියන්ටත් යොමු කළාය. දීර්ඝ අඩි තබමින් ළඟාවෙන ගුරුවරයා දකිත්ම අද තම යෙහෙළියන්ගේ අවසානය බව රුබි තීරණය කළාය. ඇය මෙන්ම මුළු පන්තියම සිතුවේ එලෙසයි. තම ගුරුවරයා වන පාකර් මහතා මෙවැනි වරදකට කිසිවිටෙකත් සමාව නොදේ. අඩුම තරමේ ඔහුගේ දේශනාවක් අතරතුර කෙඳිරීම හෝ ඔහු නුරුස්සයි.
-
-20%
කාන්තාරයේ දරුවෝ – kantharaye daruwo
Original price was: Rs. 700.00.Rs. 560.00Current price is: Rs. 560.00.එකවර ම මම නින්දෙන් අවදි වුණෙමි. මගේ මුළු ගත ව දහඩියෙන් නැහැවී ගොස් ඇති බැව් මට දැනෙන්ට විය. තවමත් හරි හැටි එළිය වැටී නැත. පසුගිය රාත්රිය කෙටි රාත්රියක් වූවා මෙන් ම වෙහෙසකර විය. රාත්රියේ මා දුටු ඒ භයංකාර සිහිනයේ මතකය තුළින් ක්රම ක්රමයෙන් මම පියවි ලොවට එමින් සිටියෙමි. නැවතත් මා මගේ දෙනෙත් පියා ගත් විට පසුගිය රාත්රියේ මා දුටු සිහිනයේ රූප මා ඉදිරිපිට මැවෙන්නට පටන් ගත්තේය. කහපාට කොළ අලවා තිබු භ හෝටල් කාමරයේ වූ සයනය මන අවුරුදු දහයක තරම් සිගිති දැරියක් නිරුවත් ව වැතිර සිටියාය. ගැහැනුන් හතර දෙනකු විසින් දැරියට හෙළවෙන්නට හෝ ඉඩක් නො දී, ඇයව සයනයට තද කරගෙන සිටි අතර, ඇගේ සිහිසි දෙපා දෙපසට විහිදුවා තිබුණි. දෙපසට විහිදුවන ලද දෙපා මැද රුධිරය බේරෙන මස් කැබැල්ලක් අතින් ගත් තවත් ගැහැනියක්
-
-20%
මැයි මාර ප්රසංගය – Mai Maara Prasangaya
Original price was: Rs. 700.00.Rs. 560.00Current price is: Rs. 560.00.මං අපේ ගමේ ගෙදර ඉස්තෝප්පුවේ බැම්ම උඩ තියාගෙන, සමිධ අයියා සහ ඔබ හිතේ තියාගෙන ගොඩනගපු කතාව ලියාගෙන ගියා. සති ගාණක් තිස්සේ කතාව ලියල ලියලා දවසක් රෑ කෑම කන්න ගෙයින් එළියෙ තිබුණු කුස්සියට ගියා. කුස්සියේ ඉඳගෙන බත් කකා ඉද්දි මිදුල පැත්තෙන් විශාල එළියක් දැක්කා. මං හිතුවා හුළු අත්තක් පත්තු කරගෙන කවුරු හරි ගෙදරට එනවා කියලා. ඒත් හීනෙකින් වගේ යටි හිත දෙබෑ කරගෙන ආපු සැකයක් හින්දා දුවගෙන ආවා බැම්ම ළඟට. වැඩේ හරි හුළඟට ලාම්පුව පෙර ලියපු කොළ ටික උඩට. සේරම පිච්චිලා තිබුණා. මං ඉතින් පහුවදා වෙනකම්ම ඇඬුවා. එතකොට ඉතින් මගෙ වයස දහනවයයිනේ.
-
අදෘෂ්යමාන
Rs. 550.00“අදවත් ඔයාට බෑනෙ ඕකෙන් ටිකක් අයින් වෙලා ඉන්න…
මට නම් දැන් එපා වෙලා තියෙන්නෙ ……
සිතට නැග ආ නොරිස්සුම වචන බවට පෙරලා, ජෙරාඩ්ට ඒ වචන වලින්ම දමා ගැසූ ඉනෝකා කාමරයෙන් පිට වෙන්නට දොර හැරියාය. ජෙරාඩ් කළේ ඇය දෙස බලා යන්තමින් සිනා සී නැවතත් ලැප්ටොප් පරිගණකය දෙසට නෙත් යොමා ගැනීමය. ජෙරාඩ්ගේ හැටි එහෙමය. ඉනෝකා විහිළුවකට කියන දෙයකත්, තරහවෙන් බණින බැණුමකත් ඔහුට ලොකු වෙනසක් නැත. ඒ කෝකටත් ඔහු දක්වන ප්රතිචාරය එකකි. ඒ. ඉනෝකා කියන සියල්ල සිනාවකින් බාරගෙන, නිහඬව සිටීම පමණකි. ඔහුගේ ඒ සන්සුන් ප්රතිචාරය, ඉනෝකාගේ කෝපය තවත් වැඩි කරවන්නකි. පෙරටත් වඩා කේන්තියෙන්, ඉනෝකා කාමරයෙන් පිටවූයේ මහ හඬක් නැගෙන සේ දොරත් වසාගෙනමය. එළිමහන සීතලය. ඉවසන්නට බැරි තරම් සීතලය. ඉනෝකාට මේ සීතල නුහුරුය.
-
-10%
යුවතියකගේ ප්රේමයක – Yuwathiyakage premaya
Original price was: Rs. 600.00.Rs. 540.00Current price is: Rs. 540.00.වේලාව මධ්යම රාත්රී දොළහ පහුවෙන්න ඔන්න මෙත්ත කියලා. වෙනදා නම් දවස තිස්සෙම එක එක කන් කරවල්වලින් පිරිලා තියන නගරෙන් ඒ ඝෝෂාව ටිකක් තුනී වෙන වේලාව. ඒත් එදා ඒකට විවේක ගන්න ඉඩකඩක් තිබුණේ නැහැ. ඒ නිදහස් සමරු ප්රදර්ශන කුටි නරඹන්න දස දෙසින් ඇදී ආව යාන වාහන වලින් මිනිසුන්ගෙන් නගරේ පිරි තිබුණ හන්දා. නගරේ විතරක් නෙමේ පිටකොටුව මධ්යම බස් නැවතුම්පලෙක් එදා තිබුණේ කාලෙකින් දකින්න නොලැඛෙන තරමේ ජනාකීර්ණ බවක්. මගී ජනයා එහාට යනවා මෙහාට යනවා ඉවරයක් නැහැ. යාන වාහන ඇති උදවිය ඒවයේ නැගලා අනිත් අයට පේන්ඩ බොහොම උජාරුවට ” රුස්” ගාලා ඉගිල්ලිලා ගියත් යාන්තම් එදාවේල පිරිමහගන්න සාමාන්ය ජනයාට ජනතා සන්තකේ පිහිට ඇර වෙන පිහිටක් තිබුණේ නැහැ. වැඩි දෙනෙක් දුර බැහැර ඉඳලා ඇවිත් තිබුණේ අතේ මිටේ යහමින් කාසි පනම් තිබුණ හන්දා නෙමේ. දරු මල්ලන්ගේ කන් කරවිට්ටලෙන් බේරෙන්න බැරිම හන්දයි. නගරේ තියෙන අනේකවත් අරුමෝසම් බඩු දැකලා ඒවා තමන් සන්තක කරාගන්න ළමා ළපටි වුන් කරපු කන් කෙදිරි ගැමි ඇහෙන නැහෙන ගානට වැඩිහිටියෝ හිටියේ එවුන්ට තිබුණ අනාදරය නිසා නම් නෙමේ.
-
-10%
මම ගමේ ගම මගේ – Mama game gama mage
Original price was: Rs. 600.00.Rs. 540.00Current price is: Rs. 540.00.කොස් බෙනයේ සිටින දොළ පිදේනි දී යකා පන්නමු පොඩි නැන්දා තාත්තාගේ ඥාති සහෝදරියකි. පිලකින් සහ විශාල ඉස්තෝප්පුවකින් ඉදිරි පස ද, සාලය සහ කාමරය පසු පස කුස්සිය ද ඇති එම නිවෙස ගමෙහි පොදු නිවෙස්හි සැලැස්ම ගත්ත ද එම නිවෙසට තව එබඳුම නිවෙසක් ඈඳා ඇත. එම නිවෙස් දෙකෙහි අක්කා සහ නංගී ජිවත් වූ අතර ඒ දෙදෙනා ම විවාහ වී සිටියහ. පොඩි නැන්දාගේ සාලයෙහි බක්කි කරත්තය නිතරම විරාජමානව සිටිය ද එය වස්සකු බැඳ පාරේ ගිය දිනයක් මට මතක නැත. එම නිවෙස පසු පස විශාල කොස් ගසක් විය. පරම්පරා ගණනක් පරණ එම කොස් ගසෙහි වූ විශාල බෙනය කිසිසේත්ම අමතක කළ නොහැක. කොලු කෙල්ලන් කොපමණ සෙල්ලම් කළත් එම කොස් ගස අසලට නම් අහම්බෙන්වත් යාමට දැක්වූයේ බියකි. එම ගස අසලට කාන්තාවක් කොසයක් කැඩීමට ගියත් තනියෙන් ගියේ නැත. තවකකු සමග යාමට පුරුදු වී සිටි අතර කෙනෙකු නැතිනම් ඒ මොහොතෙහි පාරෙ යන කෙනෙකු හෝ සමග යාමට පුරුදු වී සිටියාය. එම ගස සහ බෙනය එතරම් ගුප්ත වුවකි. මාටින් මහප්පා දින දෙක තුනකට පෙර නැන්දලාගේ නිවෙසට පැමිණි විට අප නිවෙසට ද පැමිණියේ ය. එය ඔහුගේ සිරිතකි. නංගීට සනීප නැහැ. තොවිලයක් කරන්නයි හදන්නේ.