තොටිල්ල ඉහ අද්දර මැවුණු සිහසුනක හා ප්‍රංශ වධකයකුගේ ද දසුන් සමගින් මා උපත ලද බැව් කියනු ලැබීය. නමුත් මෙසේ පවසන ලද්දේ මගේ උපතින් බොහෝ කලකට පසුවය. කාලය ගත වෙද්දී, ගෙවුණු කාලය තුළ කරුණු සිදු වූ ආකාරය මේ යයි කාලය විසින් දක්වා ඇති කල්හි, පෙර දවස පළ කෙරුණු අනාවැකි හා සංකේතද මතකයට ඒම වළක්වා ලිය නොහැක්කකි. ඇත්ත වශයෙන්ම, මගේ උපත මගේ මවට මඳ අපහසුතා ගෙන දුන් එකක් වූයේ මා ඉපදුණේ හත් අවුරුදු යුද්ධය ආරම්භ වීමට ඉතා ආසන්නව තිබියදී වීම නිසාත්, ඇයගේ බිළිඳු දියණියට වඩා, යුද කාර්යය කෙරෙහි වැඩි අවධානයක් යොමු කිරීමට ඇයට සිදු වූ නිසාත්ය. මා උපත ලැබූ මොහොතේ පටන්ම ඇය රාජ්‍ය කටයුතු වල නිරත වූවාය.