ඈන් හැමිල්ටන් දිනයේ අවසන් දුහුවිලි පොද ද දොරටුවෙන් පිටත බැස යන හිරු දෙසට අතුගා දැමුවා ය. විවර වූ දොරටුව තුළින් ගෙතුළට වැටුණු දිවා ආලෝකය විසින් නිර්මාණය කරන ලද පැතලි මංපෙත හරහා කොස්ස ඇදගෙන යන අතරේ ඇය ගෙපැල පවා මුහුණලා ඇත්තේ බටහිර දෙසට බව සිතුවා ය. දිවා ආලෝකයට ගෙතුළට පැමිණිය හැකිව තිබුණු එකම ස්ථානය වූයේ එයයි. ශක්තිමත් දැව කඳන් වලින් සැදුණු ගෙපැලෙහි වෙනත් කිසිදු ස්ථානයක විවරයක් තිබුණේ නැත. එහි පිටු පස නැගෙනහිර දෙසට සෘජුවම පිටුපා තිබුණේ තාත්තා නැගෙනහිරට පිටුපෑ ලෙසින් ම ය. ඇගේ වැඩිමහල් සහෝදරයන් වූ ඩේවිඩ් සහ ඩැනියෙල් නැගෙනහිරට පිටුපෑ ලෙසින් ම ය. ‘ අපිත් බටහිරට එකතු වුණා. ගෙපැල සාදා නිම කළ දිනයේ දොරකඩ සිටගෙන ඇගේ තාත්තා පැවසුවේ ය. ඒ වගේ ම අපි ආපහු හැරිලා බලන්නේ නැහැ.”