ඒ සිකුරාදා දිනෙකි. කුඩාරම් ගැසීමට අවශ්‍ය කළ හළ මනා ද කැමරා ද සටහන් පොත් ද රැගෙන මා ගමන් ගත්තේ අනුරාධපුරයෙන් උතුරු දෙසට ය. මගේ තනි නොතනියට සිටියේ එක් පුද්ගලයකු පමණි. නටබුන් නගර නරඹා උගත යුතු කරුණු අවබෝධ කොට ගෙන එහි වෙසෙන ගැමි ජන ජීවිතය පිළිබඳ තොරතුරු ද මේ ගමනේ දී එක්රැස් කැරැ ගත හැකි විය. ඒ අතරෙහි දී ස්ථිර පදිංචියක් නොමැති ජන කොට්ඨාශයකගේ ජීවන චර්යාවන් පිළිබඳ ඉතා වැදගත් සිත් ගන්නා සුලු තොරතුරු රැසක්