මල්ගුඩි නගරයේ පොදු වෙළඳ පොළ පාරේ වතුර මල පෙනෙන සීමාවේ පිහිටි මගේ මුද්‍රණාලය ඉදිරි පස වූ එහි පැමිණෙන අමුත්තන් සඳහා වූ කුඩා විසිත්ත ශාලාව මට හොඳ ගණනකට කුලියට දීමට ඉඩ තිබිණ. මෙම විසිත්ත ශාලාව අපේ මෙම කුඩා නගරයේ වෙළඳ සැලක් පවත්වා ගෙන යාමට අපේක්ෂාවෙන් සිටි සෑම ව්‍යාපාරිකයෙකු ම පාහේ එය තමන් නතුකර ගැනීමේ දැඩි ආශාවෙන් පසුවිය. මටත් මගේ මුද්‍රණාලයේ කාර්ය මණ්ඩලයට ත් වැඩකිරීමට අවශ්‍ය සියලු ඉඩකඩ මැදින් අටවා තිබූ නිල් පැහැති කඩතුරාවෙන් ඔබ්බෙහි තිබූ කොටසේ සෑහෙන තරම් තිබිය දී මින් මා ප්‍රයෝජනයක් නොගෙන සිටීම නිසා මා මුදල් වල වටිනාකම නොදන්නා මෝඩයෙකු යයි සමහරු මා හඳුන්වා දී තිබිණ. එහෙත් මා කවුරුදැයි යන්න මෙම මුදල් පිටුපස හඹා ගිය මෙම කුහක මිනිසුන්ට පහදා දීමට මට නොහැකි විය.