විලියම්…. ඔයා ආයෙත් ඔය ජරා සෙල්ලම පටන්ගත්ත ද ?. ” විලියම් ගේ අම්මා, ඒ කියන්නේ බ්‍රවුන් මහත්මිය විලියම්ගෙන් ඇහුවේ ගොඩාක් තරහෙන්. එතකොටම ඇඟ පුරා මඩ තවර ගත්තු විලියම් ගෙදරට ගොඩ වුණා. විලියම් මොන තරම් අපිරිසිදු වෙලා ද කියනවා නම් බ්‍රවුන් මහත්මියට ඔහු එක පාරටම අඳුන ගන්නත් අපහසු වුණා. ” මම මොනවත් කළේ නෑ අම්මේ. අනික ඔයා කරන්න එපා කියන කිසිම දෙයක් මම කරන්නෙත් නෑ. අපි අද කළේ සිංහයා සහ සිංහයෝ හීලැ කරන්නා කියන සෙල්ලම. ඒ සෙල්ලම කරන්න එපා කියලා ඔයා මට කියලා නැති හින්දයි මම ඒ සෙල්ලම කළේ. හොඳයි… අද ඉඳලා මම ඒ සෙල්ලම කරන්නෙත් නෑ. ඔයා පා කියනවා නම් කවුරු කීවත් මම කිසිම සෙල්ලමක් කරන්නේ නෑ.. මේ ඇත්තමයි අම්මේ..” අම්මට තරහ ගිහිං තියෙන බව දැනගත්තු විලියම් ගොඩාක් අසරණ විදිහට දිග විස්තරයක් කියන්න පටන් ගත්තා. ඒ වුනත් විලියම් ගේ කපටිකම් ගැන හොඳට දන්න අම්මා ඔහුගේ කථාවට බාධා කරමින් මෙහෙම ඇහුවා. හොඳයි….. එහෙනම් ඔයා මොන සෙල්ලම ද කරන්න හිතාගෙන ඉන්නේ.