එය ලා කොළ පැහැති ශාඛ පත්‍ර මත අහිංසක පිනි බිංදු ආදරයෙන් පැහැබර ද ද්දක බැලුවොත් සමහර පිනි බිංදු මත හිරුගේ ඡායා පවා යාන්තමට වගේ සිත්තම් වෙලා තිබුණා. ඔබ තවත් අවධානයෙන් ඒ දෙස බැලුවොත් දේදුන්නේ සප්ත වර්ණ එම පිනි බිංදු තුළින් සියුම්ව ගමන් කරන අයුරු හොඳින් දකින්නත් පුළුවන්. ඒ දුම්රිය ස්ථානය ඉතා ම සෞම්‍යයයි. මඳ සිනාවන් පාන සුන්දර යුවතියන් වැනි ලස්සන ලස්සන මල් එය අවට තැන තැන දකින්න ලැබුණා. කිසි තදබදයක් නැති සාමකාමී කඳුකර නගරයක පිහිටි ධවල වර්ණයෙන් සැරසුන පරණ දුම්රිය ස්ථානයක් නිසා නෙත ගැටෙන දසුන් හරිම නැවුම්. එතන ඉදලා මුළු ජිවිතයම අළුතෙන්ම පටන් ගන්න හිතෙන තරමටම නැවුම්.